Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 23.160 | Dem. 23.163 (English) | >>Dem. 23.165 |
23.162ὁρᾶθʼ ὅτι πανταχόθεν τὸ πρᾶγμα μαρτυρεῖται , ὅτι διαβὰς οὐκ ἐπὶ τὸν Κότυν , ἀλλʼ ἐφʼ ἡμᾶς μετʼ ἐκείνου ἐπορεύετο . ἔτι τοίνυν ταύτην μόνην ἀνάγνωθί μοι τὴν ἐπιστολήν , τὰς δʼ ἄλλας ἔα · δῆλον γάρ που ὑμῖν γέγονʼ ὡς πεφενάκικεν ὑμᾶς . λέγε .οὐ τοίνυν ἐκ τούτων πω δῆλόν ἐσθʼ , οὕτω σαφῶς δῆλον ὄν , ὡς οὐδὲν πιστόν ἐσθʼ ὧν ἐκεῖνός φησιν προσποιεῖται τῇ πόλει προσέχειν , ἀλλʼ ἐκ τῶν μετὰ ταῦτα συμβάντων ἔσται φανερώτερον . τὸν μὲν γὰρ Κότυν , εὖ ποιῶν , ὄντα γʼ ἐχθρὸν ὑμῖν καὶ πονηρὸν ἀποκτίννυσιν ὁ Πύθων , ὁ δὲ Κερσοβλέπτης ὁ νυνὶ βασιλεύων μειρακύλλιον ἦν καὶ πάντες οἱ τοῦ Κότυος παῖδες , τῶν δὲ πραγμάτων κύριος διὰ τὴν παρουσίαν καὶ τὸ δύναμιν ἔχειν ὁ Χαρίδημος ἐγεγόνει , ἧκε δὲ Κηφισόδοτος στρατηγῶν , πρὸς ὃν αὐτὸς ἔπεμψε τὴν ἐπιστολὴν ἐκείνην , καὶ αἱ τριήρεις , αἵ , ὅτʼ ἦν ἄδηλα τὰ τῆς σωτηρίας αὐτῷ , καὶ μὴ συγχωροῦντος Ἀρταβάζου σῴζειν ἔμελλον αὐτόν .
Ἐπιστολή
23.163
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 23.160 | Dem. 23.163 (English) | >>Dem. 23.165 |